Американскиот државен секретар Ентони Блинкен е во шеста посета на Блискиот исток од почетокот на војната меѓу Израел и Хамас на 7 октомври лани, со цел да придонесе за договор за прекин на огнот и ослободување на израелските заложници, соопшти Стејт департментот.
Блинкен ќе оствари средби со лидерите на Саудиска Арабија во Џеда и со египетските во Каиро, со кои ќе разговара за преговорите за прекин на огнот во Газа со посредство на Катар и Египет. Но, и за напорите за доставување на поголема количина на хуманитарна помош за палестинската енклава.
Во агендата на Блинкен овојпат не е предвидена посета на Израел.