Ден по лансирањето на неколку балистички проектили со краток дострел, Северна Кореја одржа вежби со топовските единици во кои беа вклучени и најновите повеќецевни ракетни фрлачи. Целта на маневрите, според Корејската централна новинска агенција, била да се тестираат вистинските воени капацитети. Вежбите се изведуваа во западниот дел на земјата под надзор на Ким Јонг-Ун, лидерот на Северна Кореја.
„Разорните офанзивни средства коишто ги поседува нашата војска треба потемелно да ги исполнуваат своите мисии за блокирање и сузбивање на можноста за војна со постојана совршена подготвеност за уривање на капиталот на непријателот и структурите на неговите воени сили“, им порачал Ким на војниците, според КЦНА.