Нови 28 случаи на голема кашлица се регистрирани во периодот од 16 до 22 февруари. Најголем дел од нив се пријавени во Скопје, случаи има и во Тетово, во Куманово и во Струга. Четворица од пациентите се хоспитализирани – три деца на возраст под една година и едно од возрасната група од една до четири години, се наведува во најновиот извештај на Институтот за јавно здравје (ИЈЗ), објавен вечерва.
Возраста на заболените се движи до 47 години, а најголем број на случаи се од возрасните групи деца под една година и од 10 до 14 години. Годинава во ИЈЗ се регистрирани вкупно 67 случаи на голема кашлица, со инциденца од 3,6/100 000 жители.
Од вкупниот број на регистрирани случаи – 67,61 отсто не биле вакцинирани, не се комплетно вакцинирани, согласно возраста или од последната доза – кај комплетно вакцинираните, поминале просечно повеќе од 11 години од последната примена доза или нема доказ за вакцинација.
Согласно податоците доставени од ЈЗУ Здравствен дом – Скопје, од службите за вакцинација – Гази Баба, Чаир, Карпош, Кисела Вода и Центар, било утврдено дека се пронајдени 12.639 деца пропуштени за вакцинација.