ВМРО-ДПМНЕ денеска ќе поднесе претставка до Уставниот суд за ставање вон сила на законот за промена на личните документи.
Од партијата велат дека Уставниот суд ако сака да ја реши работата, може веднаш да свика седница и да ја стави вон сила законската уредба со која старите лични документ престануваат да важат на средината на февруари.
Ова следува откако стана јасно дека до следниот месец е невозможно сите граѓани да ги променат личните документи и да извадат нови со новото уставно име.
Денеска со реакција и од Демократски сојуз. Бараат Владата да изнајде решение за проблемот со личните документи. За гужвите и малтретирањето на граѓаните пред шалтерите на МВР мора да се најде решение, но и мора Владата и ресорните министри да понесат одговорност велат од партијата.