Турскиот претседател Реџеп Тајип Ердоган денеска го нарече израелскиот премиер Бенјамин Нетанјаху „касапот на Газа“ и го обвини дека предизвикува антисемитизам низ светот.
Ердоган во повеќе наврати го критикуваше Израел за размерите на смрт и уништување предизвикани од неговиот одговор на невидениот прекуграничен напад на милитантите на Хамас на 7 октомври, пренесува Франс24.
Тој го оквалификува Израел како „терористичка држава“, додека за Хамас рече дека е „ослободителна група“.
Нетанјаху веќе го запиша своето име во историјата како касапот на Газа, рече Ердоган во денешната изјава на националната телевизија. Според него израелскиот премиер ја загрозува „безбедноста на сите Евреи во светот со тоа што го поддржува антисемитизмот преку убиствата што ги изврши во Газа“.