Израелските одбранбени сили (ИДФ) и безбедносната агенција Шин Бет соопштија дека капларот Ори Мегидиш, која беше заробена од терористичката група Хамас на 7 октомври и однесена во Појасот Газа, ноќеска е спасена во копнената операција на израелските сили.
Во заедничката изјава, ИД и Шин Бет се наведува дека капларот Ори Мегидиш е во добра состојба и веќе се вратила во семејството.
ИДФ соопшти дека Мегидиш била спасена за време на копнената операција во текот на ноќта, но не даде дополнителни детали за начинот на ослободувањето.
Мегидиш е припадник на извидувачка единица и Хамас ја зел за заложник на 7 октомври, кога терористите упаднаа во базата Нахал Оз.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.