Од „Ист Гејт“ попладнево се огласија со соопштение во врска со инцидентот што се случи денеска околу 16 часот. Согласно утврдените безбедности, сценарија и протоколи за работа, трговскиот центар ги обезбеди сите потребни мерки да продолжи нормално со работа, порачуваат од „Ист гејт“.
„Согласно информациите со кој располагаме во моментов, се работи за изолиран инцидент и не е поврзан со општата безбедност на посетители во трговскиот центар. Увидот на надлежните служби веќе е завршен и трговскиот центар продолжува да работи со редовниот режим на работа. Во трговскиот центар функционираат повеќе системи со кои се осигурува безбедноста на посетителите вклучувајќи и постојано физичко обезбедување и мониторинг и е целосно безбеден за посетителите“, се вели во соопштението од „Ист гејт“.