Адвокатскиот тим на Миле Јанакиески го испрати барањето за спојување на сите притвори кои ги има издржано во времетраење од 4 години и 8 месеци, за да му се засметаат во изречената казна од 3,6 години за случајот „Титаник“.
Ова се прави со цел тој да не оди на издржување на затворската казна.
Во образложението, адвокатот на Јанакиески, Еленко Миланов наведува дека ваквото барање не е во спротивност со Уставот и Кривичниот законик и дека против поранешниот министер за транспорт се покренати девет кривични предмети, а само еден правосилно завршен познат во јавноста како „Насилство во Центар“.
Останатите предмети пак се во жалбена постапка.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.