Уапсен е таткото на убиецот од Младеновац

Уапсен таткото на Урош, убиецот од Младеновац. Според српските медиуми полицијата при претресот во домот на Радиша Блажиќ пронашла цел арсенал на оружје.

Него му е одредена мерка притвор во траење од 48 часа. Целта на неговото апсење според медиумите е утврдување на фактите поврзани со потеклото на оружјето со кое Урош го изврши масакрот во кој беа убиени 8 лица меѓу нив и 15 годишно дете, а повредени беа 14 други.

Кај Радиша биле пронајдени неколку стотини куршуми со различен калибар, рачно изработена направа, еден пиштол и еден револвер, како и неколку оптички нишани.