Момчето убиец (13) кое со пиштолот на својот татко уби осум врсници и чувар во основното училиште „Владислав Рибникар“, ниту денеска, шест дена по монструозниот чин, не се кае. Тој е во изолација на Клиниката за неврологија и психијатрија за деца и млади кај д-р Суботиќ, сосема мирен и има само две прашања: „Кога да излезам одовде?“ и „Какви се реакциите на она што го направив?“.
Според српски „Блиц“, момчето убиец не побарало никаков контакт, ниту пак побарало да се види со родителите.
-Нема молба, не ни праша за родителите. Единствените интереси му се кога излегува и какви се реакциите на неговиот чин – вели изворот на „Блиц“.
Опишувајќи ја моменталната состојба на момчето, изворот на „Блиц “ наведува дека момчето убиец размислува и се однесува како да е во прашање моментот кога ќе ја напушти Клиниката, односно кога ќе биде на слобода.
Тој го чека тој момент и очигледно е убеден дека треба да биде деновиве.
– Второто прашање што го поставува е какво влијание остави, какви реакции. Што се случува надвор и тој очекува да биде популарен. Неговите очекувања се буквално дека ќе се соберат под неговиот прозорец и ќе му скандираат – објаснува нашиот соговорник.
Како што дознаваме седмоодделенецот не прима ни седативи, бидејќи е „сосема мирен“. Не му требаат.
– Второто прашање што го поставува е какво влијание остави, какви реакции. Што се случува надвор и тој очекува да биде популарен. Неговите очекувања се буквално дека ќе се соберат под неговиот прозорец и ќе му скандираат – објаснува нашиот соговорник.
За време на својот крвав пир, 13-годишникот одеднаш добил напад на паника, останал без здив и токму тоа ги спасило останатите деца од неговите куршуми. Нападот на паника го натерал да излезе во дворот за да го испразни пиштолот и тогаш повикал полиција.