Русија започна серија големи напади врз Киев и други делови на Украина, соопштија украинските власти утринава. Напади се случуваат во време кога Москва се подготвува да го прослави Денот на победата, по повод годишнината од победата над нацистичка Германија.
Според украинските власти најмалку пет лица се повредени во руските напади врз Киев, а руските проектили запалиле и складиште за храна во Одеса на Црното Море.
Новите напади доаѓаат додека Москва се подготвува за воената парада на Денот на победата во вторник, клучна годишнина за претседателот Владимир Путин, кој го евоцира духот на советската армија која ги порази силите на нацистичка Германија и изјави дека Русија ќе ја победи Украина, која наводно била во рацете на неонацистите.
Русија го интензивираше гранатирањето на Бахмут, надевајќи се дека ќе го освои до вторник, изјави главниот украински генерал задолжен за одбрана на опколениот град, откако руската платеничка група Вагнер, наводно, се откажа од плановите за повлекување.