Палестински напаѓач отвори оган врз цивили во преполна улица во центарот на Тел Авив при што рани три лица пред да биде застрелан и убиен од израелската полиција.
Престрелката следува неколку часа откако израелските сили при рација убија тројца палестински милитанти во окупираниот Западен Брег.
Нападот се случи на улицата Дизенгоф, популарна сообраќајница исполнета со продавници и ресторани.
Тел Авив во моментот на инцидентот бил преполн со луѓе бидејќи во градот се одржувале антивладини протести.
Според израелските безбедносни служби лицето за време на нападот било застанато на средина од улицата и неселективно почнало да пука со пиштол, но полицијата успеала брзо да го совлада.