Повеќе од 150 деца се класифицирани за период од две години во Југоистокот од комисијата која работи спред моделот на Меѓународната класификација на функционалноста. Според проценките на Здравствен дом Скопје, таа бројка ќе расте во иднина и затоа е потребно родителите да имаат можност да ги носат своите деца на проценка во близината на местото на живеење, односно комисија да има во секој плански регион.
Регионалната МКФ комисјата во Струмица по две години ќе добие нови простории во напуштената градинка на поранешната фабрика „Струмичанка“, а дел од објектот ќе се адаптира и за неколку месеци ќе се отвори Дневен центар за деца со попреченост, во кој 40 деца на возраст од 3-14 години ќе може да добијат бесплатни социјални услуги.
Колкава е реалната бројка на деца со попреченост во регионот не е познато, затоа што сè уште нема база на податоци во државата.
Сузана Мицева