Два камионa натоварени со пакети храна, хигиенски производи и ќебиња, што беа донирани во Црвениот крст тргнаа за Турција. Во нив има 800 пакети храна, 4.000 ќебиња и, речиси, 2.000 хигиенски пакети. Треба да им помогнат на настраданите во земјотресот кои останаа практично без ништо. Без храна и вода, без дом, без облека. Освен ова, преку Црвениот крст собрани се преку 25 милиони денари односно над 400.000 евра.
- Но, донациите не застануваат тука. Помош доаѓа од сите страни. Покрај Црвениот крст, општините, компании кои донираа за погодените од земјотресот и здружението „Мост“ одржа хуманитарен базар во скопската чаршија, а собраните средства ќе бидат донирани за помош на семејствата на настраданите од Турција.
Денеска плоштадот во Скопје е исчистен од купиштата износена облека, штикли и свечени фустани што до вчера беа расфрлани насекаде. Синоќа, пак, во Стумица стигнаа првите осуммина пожарникари кои помагаа во спасувачките акции во Адијаман. Потрагата по преживеани завршува утре затоа што се смета дека шансите да се најдат преживеани под урнатинати по 10 дена практично е невозможно.
Симона Петровска