Страотните статистики за огромниот процент лажно негативни пап- тестови не ги вознемирија здравствените власти.
Иако светските студии говорат дека до 40 проценти од жените добиле погрешен резултат кој може да ги чини живот, првиот човек во здравството во кус одговор за медиумите проблемот остави да го решаваат експертите. Тврди дека веќе ја анализираат состојбата, а останува отворено прашањето дали и кога сега спорните пап тестови ќе се заменат со ХПВ типизација за навреме да се открие вирусот, односно да се спречи да предизвика рак на грло на матката.
И пациентите со цистична фиброза ќе ги почекаат калкулациите на министерството за здравство кој допрва ќе ги пребројува пациентите колку се на број и дали ќе обезбеди пари за да им го набави неопходниот лек. Пациентите порачаа нема време за чекање и најавија нов протест.