ВМРО-ДПМНЕ тврди: Директорот на протоколот на МНР, кој го згреши знамето на Словенија, е унапреден во амбасадор во Москва

Шефот на дипломатијата Бујар Османи не ја кажа вистината кога соопшти дека директорот на протоколот во Министерството за надворешни работи поднел оставка, поради „згрешеното знаме“ при посетата на словенечката министерка за надворешни работи Тања Фајон, тврди ВМРО-ДПМНЕ.

Партијата во соопштение наведува оти „вистината е дека тој добил датум и унапреден е за амбасадор во Москва“.

„Се поставува прашањето зошто Османи ја лаже јавноста? – Неспособноста е длабоко вкоренета во институциите. Како човек кој не разликува знаме, може да претставува држава?, се додава во соопштението на ВМРО-ДПМНЕ.