Втор ден автобусите на превозникот „Макекспрес“, не сообраќаат по редовните линии. Велат немаат средства за да продолжат со работа поради доспеаниот долг од Град Скопје и ЈСП за месеците август, септември и октомври во висина од над половина милион евра.
Бараат средба со Арсовска и со раководството на ЈСП и додаваат дека додека не изнајдат решение за проблемот ќе бидат принудени да ги паркираат автобусите.
Покрај проблемот со „ Макекспрес“, Град Скопје се уште не го решил проблемот со в.д. директорот на „ Водовод и канализација“, Митовски, од кого Синдикатот очекува оставка поради кршење на работничките права и вршење притисоци врз вработените.
Донесена е одлука за започнување постапка за помирување пред штрајк која ќе трае десет работни дена, а додека трае процесот на медијација вработените редовно ќе ги вршат нивните обврски.