Третманот на правдата донесена до апсурт е темата на претставата „Така зборуваше Гертруда“ чија праизведба ќе се одржи вечерва во драмски театар по текстот на младата авторка Миа Николоска кој го постави режисерот Ангелчо Иливски.
Претставата „ Така зборуваше Гертруда“, е базирана на вистински настан од средновековието , за свиња која изела бебе и затоа е дадена на суд. Апсудрод кој произлегува од тука го одразува третманот на општеството кон правдата и еднаквоста, денес, вели режисерот.
Праизведбата на текстот, значи подадена рака на Драмски театар за афирмација на младите домашни драмски автори. Конкретно, Миа Николоска пишувала, инспирирана од нееднаквоста и обесправеноста на животните во однос на луѓето.
Покрај Гертруда, алегоричен лик е и Комарецот , во изведба на Стефан Вујисиќ.Во стилот на Брехтовиот политички театар, тој е наратор и коментатор на дејствието низ сонговите, на музика од Дарија Андовска.А ,дејствието кое тече на сцената меѓу реалниот и животот после смрт, ја доловува иронијата на постоењето во услови на корумпиран правен систем, носење одлуки од позиција на моќ, класна нееднаквост, неморал од страна на црквата и губење на универзалните вредности.
Сотир Трајков