Комуналните претпријатија во земјава, кои годинава силно го почувствуваа ударот од енергетската криза почнаа со покачување на цената на ѓубрарината, прва која го направи овој чекор е Штип. Намест 1,2 денари за метар квадратен, штипјани ќе плаќаат по 2,4 денари, што значи зголемувањето е за сто отсто. Корекцијата на цената се прави согласно новата методологија. Раководството ја правда со тоа што домаќинствата и фирмите во Штип плаќале најниска цена за собирање и депонирање на отпадот, а трошоците со зголемување на цената на горивата и струјата се неколкупати зголемени. Ова ја доведува и во прашање ликвидноста на Комунална хигиена, која за две години направила загуба од 25 милиони денари.
Граѓаните низ земјава за собирање и складирање на отпад плаќаат различни цени од 2,4 до 4,2 денари за метар квадратен. Според податоците, кои ги добил Здравков највисока е во Струга 4,2, во соседно туристичко Охрид изнесува 2,4, во Скопје е 3,59 денари, а во Виница 2,8 денари за метар квадратен. Здружението на комунални претпријатија АДКОМ пред три недели од пред Владата најави дека ќе следи бранот на зголемување и на нивните услуги, односно покачување на ѓубрираната и на водата,бидејќи за нивните барање за струјата се нема слух.
Викторија Јованова