Раководството не им ги продолжи договорите на 33-ца вработени во Комунална хигиена бидејќи воопшто не доаѓале на работа и не ги извршувале своите работни задачи.
Градоначалничката Данела Арсовска вака го објасни прекинот на соработката со овие лица, кои со години биле ангажирани како „рамковно вработени“.
Овој потег предизвика бројни реакции преку социјалните мрежи, а се надоврзаа и функционери од ДУИ, меѓу кои, заменик директорот на УЈП, Абдул-Селам Селами, кој јавно `и порача: „Данела, немој да мислиш дека си нашла планина без волк и дека можеш да правиш што сакаш“.
Арсовска одговори дека заканите и саботажите се недозволиви и дека треба да има одговорност за оној кој дозволил да се зема плата без работа, па макар и да немало обезбедено лаптоп за секој вработен.