Во Министерството за надворешни работи денеска се одбележуваат 55 години од неговото формирање. По повод Денот на Министерството за надворешни работи министерот, Бујар Османи, ќе одржи прес-конференција, додека вчера дипломатскиот клуб од Скопје го одбележа Денот на македонската дипломатија со садење дрво пред зградата на МНР и посета на Меморијалниот музеј на АСНОМ во Пелинце.
Македонската дипломатија своите почетоци ги започнува во Бирото за односи со странство формирано во 1969 година. Република Македонија имаше свои дипломати кои работеа во југословенската дипломатија во Белград и во странство, како и во републичкиот орган за односи со странство. Во 1991 година овој орган прерасна во Министерство за надворешни работи.
Министерството за надворешни работи ги врши работите што се однесуваат на меѓународната и надворешната политика на Република Северна Македонија.
Една од најзначајните дипломатски активности на ова Министерство беше Самитот на ОБСЕ, каде Македонија беше домаќин, минатата година.