Десетици експлозии вечерва одекнаа во градот Севастопол на полуостровот Крим, јавува „Украинска правда“.
Русите објавија дека системите за противвоздушна одбрана се активирани, додека каналот „Кримски Ветер Телеграма“ објави дека биле погодени неколку цели.
Еден локален жител за украинската јавна телевизија „Суспилне“ изјавил дека прво се слушнале десетина експлозии, а потоа по некое време уште четири, пренесува „index.hr“.
Медиумите известуваат дека по ударот избувнал пожар во заливот „Козача“, каде се наоѓа постојаната база на руската 810-та поморска бригада.
🔥🔥🔥Sevastopol. Impact. pic.twitter.com/7V0G8F6d0T
— NOELREPORTS 🇪🇺 🇺🇦 (@NOELreports) March 23, 2024
Оттаму додаваат дека кон локацијата се упатиле неколку противпожарни и амбулантни возила.
Се нагласува дека кај Балаклава се случила многу силна експлозија, како и дека „нешто гори во близина на аеродромот“ во Симферопол.
Михаил Развозаев, гувернерот на окупираниот Севастопол назначен од Русите, рече дека тие отфрлаат масовен напад на Севастопол.
„Според прелиминарните информации, соборени се повеќе од 10 проектили. Ракетниот напад продолжува“, напиша Развозаев.
#URGENTE ROTURA: Ucrania ha desatado una ola masiva de misiles de crucero Storm Shadow contra Crimea. Se están alcanzando objetivos en toda la península. Las explosiones que se ven en este vídeo tienen lugar en el aeródromo de Belbek.
Vía @UKR_token https://t.co/a3dgF5vEl5 pic.twitter.com/RhEKJDfsSX— the sniper (@thesnip24382774) March 23, 2024