28 нови заболени од голема кашлица покажува најнoвиот извештај на Институтот за јавно здравје за периодот од 16 до 22 февруари, со што вкупниот број на регистрирани случаи е 67. Од новозаболените хоспитализирани се 4 деца на возраст до 4 години. И натаму Скопје има најмногу новозаболени за 7 дена, 22, а пријавени се 4 нови случаи во Тетово, 1 во Куманово и за првапт е регистриран едно заразено лице во Струга. Заболените е на возраст од 1 месец до 47 години, а најголем број се до 14 години.
„Од вкупниот број на регистрирани (67), 61 случај, односно 91% не биле вакцинирани, не се комплетно вакцинирани согласно возраста или од последната доза (кај комплетно вакцинираните) поминале просечно повеќе од 11 години, или нема доказ за вакцинација„ се наведува во извештајот на Институтот за јавно здравје
Досега само во Скопје се откриени над 12. 000 деца кај кои е пропуштена вакцинација. Од 18 јануари до денес се вакцинирани 4142 деца. Низ останатите градови во државаат пронајдени се над 6600 невакцинирани деца, од кои за нешто повеќе од еден месец против голема кашлица вакцина примиле 24 проценти од нив. Од Комисјата за заразни болести посочија дека очекувано е да расте бројот на заболени и кај повозрасната популација. Засега нема ДиТеПер вакцини за возрасни, но се очекува да стигната следната недела.
Центарот за јавно здравје на територијата на Скопje прогласи епидемија на 8 февруари поради зголемен број на заболени од голема кашлица. Во меѓувреме и покрај препораката на Комисијата за заразни болести да не се примаат невакцинирани деца, градинките само ги ажурираат вакциналните картони, но не ги враќаат невакцинираните.
ЕМИЛИЈА МИСИРЛИЕВСКА