Наука, технологија, инженерство и математика се во едно применија над 180 децата и младите, во 22 тима од четири града во земјава на шестиот Лего лига натпревар. Подготовки ги почнале уште во нормври лани, а денеска учесниците во натрпеварот правеа проекти за места наменети за рекреација, решавајќи ги проблемите преку глобалната програма за роботика.
Учесниците задоволни од организацијата, велат дека на ваков начин младите преку забава учат да развиваат разни вештини.
За првпат годинава како коорганизатор на натпреварот се јавува Електротехничкиот факултет при Универзитетот „Гоце Делчев“ (УГД)-Штип, а учествуваа и од машинскиот факултет. Продекан на Електротехничкиот факултет при УГД-Штип, Тодор Чеќеровски вели дека годинава е една од најуспешните, а тоа се гледа низ бројот на учесници.
Тимот кој ќе победи оваа година продолжува на Светско првенство во јуни во САД, а дополнително уште еден тим ќе биде испратен на Националното првенство во Грција кое ќе се одржи на 9 и 10 март.
ВИКТОРИЈА ДИМИТРОВА ЈОВАНОВА