Многу битки по различни прашања, интересна кампања и отсуство на простор за коалицирање, барем за првиот круг на претседателските избори се предвидувањата на политичките аналитичари кои сметаат дека претстои возбудлив период во кој секој од деветте кандидати ќе се обиде да зграпчи што е можно повеќе гласови, но, сепак, во вториот круг ќе одат само кандидатите на владеачката СДСМ и опозициската ВМРО-ДПМНЕ.
По извесно време, во трка повторно се двајца кандидати Албанци за претседател на државата. Политичките аналитичари Благојче Атанасоски и Бесим Нербиу се децидни дека во вториот круг одат кандидатите на СДСМ и ВМРО-ДПМНЕ.
Кој ќе ја добие поддршката на албанските гласачи во вториот круг зависи од кампањите на кандидатите.
Атанасоски смета дека албанските гласачи се зрели сами да донесат одлука во вториот круг на претседателските избори.
ДУИ и опозициската коалиција „Вреди“ се разидуваат по, речиси, секое прашање, но заеднички им е условот за коалицирање со партија од македонски политички блок – отворање на Уставот, внесување на Бугарите и измени со кои претседателот ќе се бира во Собранието.
Овој услов може да биде влез во политичка криза која може да се надмине само со широка коалиција илио нови избори.
Засега се девет кандидати, но аналитичарите очекуваат ова бројка да се намали поради прагот од 10.000 гласови што е преголем залак за некои од кандидатите.
Огнен Чанчаревиќ