Четириесетина ромски семејства кои живеат во субстандарни услови во објектите на старото нервно оддление во Штип се очекува до крајот на годината да бидат сместени во типски куќи во реонот на „Света Недела“.
Но, државните институции ќе мора да им најдат решение и на жителите кои не се од Штип, а живеат во овие објекти. Пари се обезбедени преку европски проект вреден околу 600.000 евра.
Општина Штип дислокацијата на жителите, кои времено се сместени во старото нервно одделение ја прави и за доизградба на булеварот „Партизанска“, во должина од еден километар, а ги поврзува штипските населби „Осми Ноември“ и „Баби“, но има и статус на регионален пат со соседната рурална општина Карбинци.
Доизградбата на булеварот, но и поместување на главната водоводна и канализациона мрежа ќе ја чинат општината 2,5 милиони евра. Тендерската постапка веќе е во тек, а на пролет се очекуваат на терен и градежните машини.
Викторија Димитрова Јованова