Тивкото неделно пладне во Струмица го раздвижија револтирани активисти за заштита на животните.
Скандираа, држеа транспаренти и го блокираа влезот на општинската зграда упатувајќи пораки и барања преку мегафон.
Незадоволни се од начинот на кој работи Јавното претпријатие за заловување и третман на бездомни животни. Нивните обвинувања се дека кучињата нехумано се третираат.
Јавното претпријатие „Лана“ велат дека работат по строги протоколи и се евтанизираат само кучињата кои се болни од леишманија. Над 600 заловени бездомни кучиња, досега биле забележани со леишманија и евтанизирани.
Јавното претпријатие „Лана“ функционира речиси една година.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.