Рускиот претседател Владимир Путин сè уште не одлучил дали ќе се кандидира за претседател на изборите во март 2024 година, изјави портпаролот на Кремљ, Дмитриј Песков демантирајќи ги тврдењата на медиумите дека Путин веќе одлучил за својата кандидатура.
– Путин сè уште нема дадено никакви изјави во врска со ова. Изборната кампања сè уште не е најавена, изјави Песков.
Се очекува претседателските избори во Русија да се одржат на 17 март 2024 година, а одлуката за тоа следниот месец ќе ја донесе Советот на Федерацијата, Горниот дом на парламентот. Според руските закони, Путин има право да се кандидира за уште еден мандат.
Според некои светски агенции, Путин веќе одлучил да се кандидира на изборите во март, што потенцијално ќе му овозможи да остане на власт најмалку до 2030 година.