Безбедно пристигнаа тројцата евакуирани и повредениот македонски државјанин во земјава. Повредениот камионџија соодветната здравствена нега ја добил во болница во грчкиот град Комотини кој е оддалечен на 57 км од Александропулис. По завршеното лекување во локалната болница, моментално се наога во неговиот дом .
МНР за Телма го потврдија успешното пристигнување на македонските државјани во земјава.
„Tројцата наши државјани кои беа евакуирани од опожарените подрачја безбедно пристигнаа во земјава. Повредениот кој имаше изгореници на двете раце и на лицето, по добивање на соодветната здравствена нега сега е во добра здравствена состојба“.
Телма дознава дека нема нови информации за евакуирани или повредени македонски државјани и покрај тамошната алармантна состојба.
Пожарникарите извлекоа уште едно тело. Сега вкупниот број на загинати од шумските пожари во Грција оваа недела се искачи на 21.
Полицијата пак во акција, привеле 79 лица под сомнение дека ги подметнале пожарите.
Овие пожари ке резултираат со долготраен токсичен воздух, истакна професорот по атмосферски процеси Атанасиос Ненес, пренесе Катимерини.
Шумскиот пожар во областа Александропулис,кој беснее шести ден властите веруваат дека е најголемиот досега регистриран во Европската унија.
Марија Коцева