Премиерот на Косово, Албин Курти неофицијално во петок доаѓа на гости кај градоначалниците на Тетово и Чаир, Биљал Касами и Висар Ганиу.
По средбите на централниот плоштад Илирија ќе се одржи културно забавна манифестација посветена на доаѓањето на косовскиот премиер во Тетово.
Според најавите, во Чаир косовскиот премиер е предвидено да се сретне со градоначалникот Висар Ганиу, но и со Изет Меџити, основач на новата политичка партија „Демократско движење“.
Со Ганиу ќе ја отворат улицата која го носи името на албански патриот и деец Адем Демачи.
За време на неговиот престој во земјава не се предвидени средби со неговиот колега премиерот Ковачевски, ниту со шефот на државата Стево Пендаровски.