Ова е местото каде што утрово засега непознат напаѓач пукаше и се обиде да го ликвидира скопјанецот Љупчо Костадиновски а потоа со трчање побегна низ уличките во околината. Костадиновски, кој сеуште трага по неговиот син Самоил кој се води како исчезнат од март годинава го преживеа нападот. Тој е роднина на сопругата на лидерот на партијата „Обединети за Македонија“ – Љубе Бошкоски.
Инцидентот се случи околу 8.30 часот на улицата Тодор Чангов во населбата Лисиче, во непосредна близина на домот на Костадиновски и неговата пицерија. Напаѓачот вооружен со пиштол го следел Костадиновски, а тоа го тврдат соседите кои утрово го заебележале моторот низ населбата, го пресретнал и од непосредна близина почнал да пука во него. Костадиновски иско ранет го свртел неговиот автомобил „мерцедес“ во моторот и го турнал на земја. Напаѓачот пак го оставил пиштолот на улицата и побегнал.
Костадиновски во моментот е хоспитализран на КАРИЛ со две прострелни рани и е во стабилна состојба.
Самоил Костадиновски, внук на Љубе Бошкоски, се води како исчезнат од 3 март годинава кога беше киднапиран на улица во скопската населба Кисела Вода. Неговиот татко Љупчо во неколку наврати се обрати до јавноста и нудеше парична награда за информација околу Самоил. Полиција приведе две лица осомничени дека учествувале во неговото грабнување а на барање на обвинителството им беше одреден притвор.
Огнен Чанчаревиќ