Во моментов Скопје изгледа точно како што се чуствуваат нашите граѓани. И денеска не е во најдобра состојба. Деканот на Архиктетонскиот факултет Огнен Марина констатира дека три децении се соочуваме со финансиски проблеми и недостаток на визија. Разорниот земјотрес кој се случи на 26 јули 1963 година во Скопје разурна повеќе од 80% од зградите. ОН вклучиле голем напор за негова реконструкција.
-Бројни архитекти, урбанисти, инжинери, сеизмолози па дури и политичари дојдоа во Скопје за да можат да го создадат најдоброто што во тој момент беше во светот на архитектура и урбанизмот. Во обновата на Скопје учествуваа повеќе од 90 земји од целиот свет, вели д-р Огнен Марина, декан на Архиктетонски факултет.
Токму затоа денеска се организираше меѓународна научна конференција „Проект Скопје“ по повод 60 години од земјотресот во Скопје и 110 години од раѓањето на јапонскиот архитект Кензо Танге. Познати светски истражувачи разговараа за солидарноста и светската соработка.
-Скопје стана симбол на меѓународната соработка и центар на светската хуманост, солидарност и знаење. Хуманоста се манифестира преку сочуство и поддршка на другите во нивните најтешки моменти, вели д-р Никола Јанкуловски – професор на Универзитетот „Св. Кирил и Методиј“.
На конференцијата беше потенцирано дека една од клучните поенти е сите подеднакво да имаме визии во каков град сакаме да живееме и да се стремиме кон тоа.
Тамара Марковска