Обвинителен предлог против две лица за кривичното дело „Узурпација на недвижности“, согласно член 225 став 2 во врска со став 1 од Кривичниот законик, поднесе Основното јавно обвинителство Скопје. Станува збор за недвижност во државна сопственост во двојот на поликлиниката „Бит пазар“.
„Двајцата соизвршители, на возраст од 45 и 42 години, заеднички со намера за владение зазеле недвижност во сопственост на државата, која со пропис е прогласена за имот во општа употреба со намера земјиштето да го употребат за изградба на паркинг. Првообвинетиот ангажирал повеќе непознати лица да ја исечат металната ограда и да ја искршат бетонската конструкција за ограда од дворот на Јавната здравствена установа – Здравствен дом на Скопје – Поликлиника „Бит Пазар“. Притоа, биле уништени и околните грмушки и дрва. Второобвинетиот со багер почнал да го рамни теренот каде осум камиони транспортирале градежен материјал – тампон, кој го растовариле во дворот на поликлиниката. Со багерот, вториот обвинет продолжил да го растура и рамни тампонот низ паркот на болницата до доаѓањето на полицијата“, се наведува во соопштението на Основното јавно обвинителство Скопје.
Надлежниот јавен обвинител достави предлог до Основниот кривичен суд Скопје за продолжување на притворот за првообвинетиот, додека за второто обвинето лице на сила се мерките на претпазливост.
Со багер го урнале ѕидот и упаднале во поликлинката Бит-Пазар за да градат паркинг