Законот за работни односи за изведба на коридорите од „Бехтел и Енка“ денеска е на пленарна седница. Десетици пратеници се пријавени за збор. Опозицијата реагира за 60 часа работно време, но власта е на став дека се заштедуваат пари.
Паралелно со претресот на Законот за работни односи во главната сала, во една од помалите сали на Собранието – Комисијата за европски прашања ја почна дводневната расправа за Законот за урбанистичко планирање. Тоа е вториот од групата од пет закони кои добија европско знаменце за да бидат побрзо донесени и да ја озаконат договорената изградба на коридорите 8 и 10д со компанијата Бехтел и Енка. Владата тврди дека овој закон ќе овозможи поголема флексибилност при реализацијата на стратешките градби, а опозицијата забележува дека општините и нивните ДУП-ови ќе бидат игнорирани.