Три дена откако се закани дека ќе ги повлече неговите војници од Бахмут, сопственикот на приватната воена компанија Вагнер, Евгениј Пригожин, денеска соопшти дека Москва се согласила да ја зголеми испораката на залихи и муниција за неговите борци.
Претходно, Пригожин објави видео на кое стои во поле полно со тела на загинати војници на Вагнер, и со жесток тон и бројни пцовки ги прозва министерот за одбрана Сергеј Шојгу и шефот на Генералштабот на руската армија Валери Герасимов зошто не испорачуваат муниција за Вагнер.
Ова не е прв пат сопственикот на Вагнер да упатува закани а подоцна да не ги исполни. Претходно денеска тој и чеченскиот лидер Рамзан Кадиров се согласија да ги заменат борците на Вагнер во Бахмут со чеченскиот батаљон Ахмат.