Првиот вицепремиер и координатор на изградбата на коридорите 8 и 10д на денешниот брифинг со новинарите информираше дека договорот со компанијата „Бехтел и Енка“, која треба да ги гради автопатите нема да биде објавен во јавност, затоа што е класифициран како бизнис тајна.
Тој тврди дека доколку се изгласаат измените на законите кои се однесуваат на изградбата на автопатите, таа ќе трае пократко и ќе чини помалку а во спротивно ќе чини повеќе и ќе се гради подолг период.
Бројни реакции од синдикатите и политичките партии предизвика и овозможувањето на 60 часовна работна недела за работниците кои ќе ги градат автопатите, иако таквото решение е противуставно.
Груби тврди дека секаде има исклучоци а доколку нема доволно работна сила, таа ќе се увезува од странство и никој нема да ги тера нашите работници да работат со сила.