Засилени полициски контроли има на граничниот премин Делчево-Станке Лисичков, но протокот на патниците од Бугарија е речиси минимален. Телма ги регистрираше редовните проверки на возилата, кои сакаа да влезат, но и да излезат од земајава
Поголема гужва на овој помал граничен премин се создаде по 8 часот, кога сиситемот почна да паѓа. Бугарските граѓани кои чекаа влез за Македонија велат дека целта им била денот да го поминат во Делчево, каде што редовно одат на стоматолошки прегледи и на пазар.
На 20 минути од влезот во Бугарија се наоаѓа пограничното градче Делчево, кое денеска го чествуваше својот патронен празник. И пред споменикот на Делчев засилено полициско обезбедување, но чествувањето на 151 година од роденденот на великанот Гоце Делчев опозицијата и власта поделени. Членови и симпатизери на ВМРО-ДПМНЕ половина час пред официјалната манифестација положија цвеќе и имаа пригодна реч.
За разлика од претходните викенди, кога Делчево е полно со бугарски граѓани, денеска денот е тивок, а резервациите од поголеми групи на туристи по хотелите се откажани.
Во општините во источна Македонија чествувањето на 151 години од раѓањето на Македонскиот великан Гоце Делчев помина мирно и достоинствено.
Викторија Димитрова Јованова