Шпекулации се информациите дека Ковачевски до мене доставил две министерстки места. Органите на партијата ќе одлучат дали Алијанса ќе влезе во Влада. Ако се согласат за влез ќе се формира комисија која ќе преговара за министерски места и за кадровски решенија. Ќе биде организиран и внатрепартиски референдум за ставот на членството, информира лидерот на Алијанса за Албанците, Арбен Таравари пред почетокот на денешната седница на централното собрание кое заседава по прв пат по конгресот од 24.12.2022 на кој тој беше избран за лидер откако претходно неколку месеци беше в.д. по оставката на неговиот претходник Зијадин Села.
Покрај избор на ново раководство, очекувањата се партијата денеска да расправа и за евентуален влез во Владата.
Ова прашање деновиве е во фокусот на јавноста, а во дел од медиумите се појавија и информации за распределбата на ресори односно министерства со кои би можеле да раководат кадри на Алијанса за Албанците.