Скопјанец на возраст од 30 години е пронајден починат во стан во Бујановац

Македонски државјанин е пронајден мртов во изнајмен стан во Бујановац, потврдија од Вишото јавно обвинителство во Врање.

„Полицијата во Бујановац го известила Вишото јавно обвинителство Врање дека е пронајдено безживотно тело. По извршениот увид од екипа на Полициската станица Бујановац, во присуство на судски вештак, констатирано е дека се работи за А.Р. (30) од Скопје“, информираат од обвинителството.

Првичните информации од увидот велат оти нема траги кои укажуваат дека смртта настапила како последица на насилство.