Палестинскиот министер за надворешни работи верува дека Хамас го поддржува создавањето на технократска влада. Според него, милитантната група засега не треба да биде вклучена во ниту една коалициска влада.
Ријад ал-Малики, говорејќи два дена откако палестинскиот премиер Мохамед Штајех ја објави својата оставка, рече дека новата влада треба да ја преземе одговорноста и за Западниот Брег и за Газа. Додаде и дека владата во заминување не е „подготвена за таква одговорност“.
„Ние веруваме дека новата влада треба да преземе целосна одговорност заслужбите и акциите и на Западниот Брег и во Газа. Можеби актуелната влада која поднесе оставка, не се гледаше подготвена за таква одговорност. И затоа, мислевме дека на новата влада ќе се гледа како на влада која ќе преземе одговорност и на Западниот Брег и на Газа, бидејќи Западниот Брег и Газа треба да се гледаат и третираат како една територијална единица“, изјави Ал-Малики.
Палестинската управа, која ја претставува Ал Малики, раководи со Западниот Брег, но не и со Газа, која е под контрола на Хамас од 2007 година.
Хамас претходно ги повика сите палестински фракции да се соберат за да формираат нов владин состав.