Една општина во западниот дел на Босна и Херцеговина прогласи состојба на природна несреќа, додека портокалово предурпедување беше објавено и на југот од земјата поради поројните дождови кои предизвикаа зголемување на водостојот и реките Уна, Сана и Клокота.
Вонредна состојба прогласи општината Сански мост, каде што поради излевањето на две реки поплавени се десетина домови, а прекинат е и сообраќајот во околината на градат.
Со надојдена вода се бори и градот Бихаќ.
Во реонот на Бихаќ најтешка е ситуацијата во две месни заедници, Кулен Вакуф и Орашац. Во Кулен Вакуф се поплавени неколку куќи, изјави Мухамед Паченковиќ, помошник директор на цивилната заштита на Унско-Санскиот кантон.
Босанскиот хидрометеоролошки завод соопшти дека на југот од Босна и Херцеговина се очекуваат врнежи од 30 до 60 литри на метар квадратен.
Ги предупредуваме граѓаните да бидат подготвени да се заштитат себеси и својот имот, затоа што се можни поплави на домови и сообраќајните мрежи, нарушување на снабдувањето со електрична енергија, вода и комуникациите, се вели во соопштението на Хидрометеоролошкиот завод.