Украинскиот претседател Володимир Зеленски му се заблагодари на Претставничкиот дом на американскиот Конгрес за усвојувањето на законот за воена помош за Украина во вредност од 61 милијарда долари.
– Благодарен сум и на двете страни, на Претставничкиот дом, и лично на претседателот на Претставничкиот дом, Мајк Џонсон, за одлуката историјата да се стави на вистинскиот пат – напиша Зеленски на платформата „Икс“.
Тој посочи дека демократијата и слободата секогаш ќе значат нешто во светот и дека „никогаш нема да пропадне се додека Америка помага да се зачуваат тие вредности“.
– Законот за помош на Украина на САД го усвои Претставничкиот дом, кој ќе го спречи ширењето на војната, ќе спаси илјадници животи и ќе помогне да ги направиме нашите нации посилни. Мирот и безбедноста се постигнуваат само со сила – нагласи Зеленски.
Тој додаде дека се надева дека законот ќе биде поддржан во Сенатот и ќе биде испратен до американскиот претседател Џо Бајден.
„Америко, ти благодарам“, додаде тој.