Денеска на граничниот премин Бренеро, помеѓу Италија и Австрија, италијанските фармери излегоа на масовен протест во одбрана и заштита на агрономниот бизнис во Италија.
Протестот го носеше називот со слоган: “Не за лажна Италија”, промовирано од италијанското здружение ,,Колдриети”.
На денешен ден, протестот опфати околу 10 илјади фармери, во жолти елеци кои протестираа.Целта на маршот беше да го заштитат агро-бизнис на Италија, како и да ги спречат италијанските државјани да консумираат увезени производи.
Во една од изјавите за медиуми, на здружението Колдриети, претседателот Џанфранко Коминчиоли рече: ,, Ние се собравме тука да го искажеме нашето незадоволство за увозот на странските производи, кои не гарантираат ист квалитет, во споредба со домашните продукти. Овој наш пристап е со цел да го заштитиме италијанското производство.”