Алмира Фасљи Муарем, ромска активистка од Скопје, Марија Дуда Дибиаџио, претприемачка од Крива Паланка, Катерина Котеска-Стисниовска, адвокатка од Битола застапник на жените жртви на семејно насислтво, Елмедина Абдулахи, поборничка за здрава животната средина од Тетово, Греса Мустафаи, спортистка од Струга, Ана Витанова Рингачева, универзитетска професорка од Струмица и Далиборка Златева, борец за правата на лицата со попреченост од Велес, беа седумте кандидатки за наградата „Европска жена на годината“ во Македонија.
Тие денеска на свеченоста организирана од Делегацијата на ЕУ во Македонија беа претставени од седум амбасадори на земји-членки на ЕУ и од претставничката на ОН, секоја од кандидатките избрана за наградата како позитивен пример за носење на промени во општество.
На свеченоста не беше официјално презентирана добитничката на наградата, со цел да им се да даде исто значење на сите седум како жени-носители на помени во општеството, но годинашната награда „Европска жена на годината“ во Македонија ја доби Далиборка Златева, борец за правата на лицата со попреченост од Велес.