Ако немоќно лице не може да се качи во подрачно одделение на Државната Изборна Комисија (ДИК), тогаш вработените ќе се симнат. Таква наредба имаме дадено“, изјави претседателот на ДИК, Александар Даштевски, во вечерашното издание на „Топ тема“ на ТВ Телма во однос на забелешките на одредени кандидати за претседател за местата на кои се собираат потписи од граѓани за нивна поддршка.
„Ако тоа немоќно лице не може да се качи да се потпише како поддршка за одреден кандидат за претседател, тогаш вработениот ќе се симне со книгата. И тоа досега се случувало. Тоа се постари канцеларија, од порано, кои ги наследивме. Некои канцеларии, како на пример во Карпош, во Центар, имаат повеќе пристапи. Ние не сме виновни за тоа. Во тие места имаме поставени и рампи.“, рече Даштевски.