За Министерот за надворешни работи, Бујар Османи, инцидентот во М-НАВ не бил ништо друго освен вербална пресметка меѓу колегите, која нема никаква врска ниту со ДУИ, ниту со политичките позиции на луѓето кои се инволвирани.
Тој вели дека е убеден оти постапката ќе докаже дека станува збор за кавга меѓу луѓе во колективот.
Во гостување на Клан прашан што ќе биде со Беким Незири, кој беше инволвиран, а моментално е во домашен притвор, Османи рече дека очекува институциите да го расветлат случајот.
Според Османи состојбата во М-НАВ не била толку „црно-бела“. Смета дека со случајот се создаваат многу теории на заговор кои се злоупотребуваат политички.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.