Изгласување на Деловникот ќе биде првата задача што утре ќе ја сработи Работната група за уставни измени.
Дури потоа, овој голем состав од 23 члена, ќе пристапи на подготвувањето Иницијатива за менување на Уставот.
Иако Владата повеќе пати повторува дека очекува текстот да биде готов до крајот на мај или почетокот на јуни, за да може да се проследи до Собранието и да се организира јавна расправа, претседателката Цаца-Николовска тврди дека за нивната работа нема рокови.
Професорот по уставно право, Денис Прешова, потврдува дека уставни измени ќе мора да направиме поради преземените меѓународни обврски и европските заклучоци.
Формирањето работна група пред Собранието воопшто да прифати менување на Уставот, го смета за вообичаена пракса.
Иако поканет, Прешова сепак не стана член на работната група.
Опозициската ВМРО ДПМНЕ не делегираше свои претставници во работната група и цврсто стои на ставот дека во овој парламентарен состав уставни измени нема да поминат.
Соња Николовска