Масакрот во белградското ОУ „Владислав Рибникар“ предизвика херојско однесување на наставниците кои биле на смена во училиштето.
Веднаш по истрелите, професорот по географија во школото, Зоран Нишевиќ тргнал кон училницата каде биле повредените деца и почнал да ги евакуира.
-Реагираше многу бргу, ги изнесуваше на раце. Децата беа крвави. Вистински херој, беа изјавите на неговите колеги за српските медиуми.
Наставничка во пониските одделенија за опасноста разбрала од повозрасен ученик кој дошол да ја спасува помалата сестричка која учела во тоа одделение.
Дотогаш сите мислеле дека некој пука петарди не ни помислувајќи дека ученик од училиштето пука врз свои соученици.
Кога учителката разбрала што се случува, веднаш ги зела децата од своето одделение и ги однела во салата за физичко воспитание. Ги заклучила во една просторија за да не може да стигне никој до нив.
По смирувањето на ситуацијата и апсењето на 13-годишниот ученик, учителката ги извела децата на сигурно надвор од училиштето.
Убиецот дошол со три пиштоли и истрелал 57 куршуми. Убиени се 8 деца и еден возрасен.