Во аптека во германскиот град Карлсруе во тек е заложничка криза, а полицијата го опколи реонот околу објектот, изјави претставник на власта, пренесува „Билд“.
Весникот додава дека полицијата од тактички причини не сака да соопшти колку луѓе се наоѓаат во аптеката, меѓутоа дека е во постојан контакт со киднаперите.
Како што наведува „Штутгартер Нахрихтен“, киднаперите бараат едноцифрен милионски износ. На местото на настанот се распоредени и специјални единици.
Според властите, заложничката криза почнала околу 16:30 часот. Целото подрачје околу аптеката е опколено, а полицијата апелира до граѓаните да го избегнуваат тој дел од градот.
„Цела улица е затворена“, вели очевидец.
Ова е втор инцидент во два дена во Германија. Вчера загинаа седум лица во пукање во центар на „Јеховини сведоци“ во Хамбург, меѓу кои и трудница, соопшти германската полиција.