Очигледно е дека станува збор за слабост во владеачкото мнозинство, затоа што немаат стабилност да застанат и да поведат одредена реформа и да ја спроведуваат онака како е замислена, истакна Слаѓана Тасева, претседателка на „Транспаренси Интернешнл Македонија“, во вечерашната „Топ тема“ на ТВ Телма.
„Има стратегија за реформа на правосудството, но таа стратегија не се спроведува. Има стратегија за борба против корупција која, исто така, не се спроведува. Значи ние ќе направиме документи со политики за кои што некој треба да застане и да ги спроведува. Таа очигледна слабост на владата или на власта како коалиција која има проблем да опстане како прво, а понатаму има проблем и во спроведување на реформите. Затоа што не може да се спроведе реформа без мнозинство и во самата таа коалиција“, изјави Тасева.
Таа го истакна интересот на државата, јавниот интерес, наспроти интересот на политичката партија.